Artizanët mblidhen në Gjirokastër, prezantojnë punën dhe vlerat e zonave e krahinave

Artizanë nga e gjithë Shqipëria janë bërë bashkë në një panair në pazarin e Gjirokastrës ku do të ekspozojnë punimet e tyre dhe vlerat e zonës që përfaqësojnë.

Artizanë nga e gjithë Shqipëria prezantuan këtë të premte në pazarin e Gjirokastrës punimet e tyre.

Aktiviteti zhvillohet në Gjirokastër për të dytin vit radhazi, ku nuk kanë munguar artizantët e rinj që iu bashkuan këtij eventi kulturor.

Duke vlerësuar aktivitetin, artizanët shprehen se të tilla organizime ndihmojnë në prezantimin e punës së tyre.

Organizatori i këtij eventi, Albert Haloci, thotë se punimet artizanale do të qëndrojnë në të ekspozuara gjatë të gjithë javës.

Panairi i artizanatit dhe kulinarisë shpalos vlerat e krahinave të ndryshme të Shqipërisë duke krijuar edhe një atmosferë tjetër në pazarin karakteristik të Gjirokastrës.