Bilanci i 2018/ Në Muzeun “Marubi”u rrit numri i vizitorëve

Viti që lamë pas ishte i mbushur me aktivitete të larmishme brenda dhe jashtë vendit, që u përkthye në një numër në rritje të vizitorëve.

Muzeu kombëtar i fotografisë “Marubi” tashme me një program të qartë, është i orientuar në disa drejtime, që shkon përtej të qënurit vetëm një pikë takimi me imazhet e shkrepura në kohë nga kjo dinasti. Duke analizuar 2018-en, drejtori Luçjan Bedeni vuri theksin tek rëndësia që ka edhe promovimi i produkteve të muzeut.

Luçian Bedeni, drejtor i muzeut “Marubi”: Një rritje prej 15809. Ne e vazhdojmë në rritje muaj për muaj. Në vendin e parë janë vizitorë si Italia, Franca dhe Gjermania.

Risitë në 2019-en që tashmë ka nisur do të jenë të shumta, si për nga cilësia dhe shumëllojshmëria e aktiviteteve, që synojnë të promovojnë më shumë “Marubin” dhe Shkodrën.

Luçian Bedeni, drejtor i muzeut “Marubi”: Ne e shofim muzeun jo thjesht brenda hapësirave, por përtej. Pra te impakti që duhet të ketë muzeu në qytet. 

Në Shkoder për vitin 2018 në muzeun “Marubi” u mbajtën ekspozita të artistëve të njohur dhe të rinj, si: Moira Ricci me “Lookafering”, “Angjelin Nenshati: dëshmitar mes dy kohëve, Lala Meredith- Vula “Urtësi sot e mot”, “Nadar” etj. Gjithashtu shkolla verore, biseda me Matilda Terpollarin, “Buzëqeshja socialiste”, Anne Cartier-Bresson: Konservimi dhe restaurimi i fotografisê, bisede me Michel Poivert apo Leke Gjeloshi. Nuk munguan edhe punëtoritë si: “Bëj maskën tënde”, “made in Marubi”, “Fondali lëvizës”,  “Guidat muzeale” apo “Kartolina ime”.