Chloe Kohanski fituese e “The Voice”

Chloe Kohanski është shpallur fituese e show-t muzikor, “The Voice”, duke triumfuar në natën finale e cila u karakterizua me moment të shumta emocionuese dhe performance të yjeve të shumtë të industrisë së muzikës. Kështu, Chloe dhe mentori i saj Blake Sheldon fituan trofeun e sivjetëm të këtij show, që është ndër më të shikuarit në Amerikë dhe transmetohet në kanalin FOX. Kohanski, fillimisht ishte pjesë e grupit të Miley Cyrus-it, e cila edhe pse në fillim e kishte bërë të pamundurën që ta bindte Chloe-in ta zgjidhte atë si mentore të saj, e kishte eliminuar këngëtaren në fazën e tretë të garës. Por Blake, i cili ishte magjepsur me zërin e veçantë të Chloe-it që nga fillimi, nuk ka mundur ta lërë atë të largohet nga shwu dhe kështu e ka futur në grupin e tij. Dhe duket se ka vepruar mirë. Sepse Kohanski me stilin e saj të veçantë të këndimit i solli fitoren Blake-ut dhe e bëri publikun për vete me performancat e ndryshme në skenë. E veçanta e Chloe-it është se zëri i saj është pak i ngjirur dhe të ngjall nostalgji për muzikën e viteve ‘80-të. Nata finale e këtij emisioni u karakterizua edhe me performancat e antarëve të jurisë së “The Voice”, si dhe këngëtarëve të ftuar, të tillë si Kelly Clarkson dhe Bebe Rexha.