“Femën, nanë, grue… ti ballinë shtrëngatë”, poezi nga Liridon Mulaj

M’ligshton fisnikëria e saj e dorëzueme
Rrudhat si udhë pa krye, varun ballit
Njaj trup i plog’sht qi rendet n’këpucë t’vjetra
Vrapi i saj i vonuem, drejt kapanoneve t’hallit

M’ligshton njaj fmi i grues vogël
I veshun n’dishrim t’teshave t’reja
Tuj imitue t’pasmit me kupa lodër
Hypun kalistrof n’andrra të véja

M’ligshton njaj fmi i grues vuejtun
M’ligshton ajo grue, nan’ e fmis’
Qi bukë t’zezë hanê prej kapanoneve t’errta
N’vegzh t’farave t’jets’, kambëkryq n’mes t’shpisë.

M’ligshton kjo simfoni varfnie.

Zoti ynë! Kur perdja zezë t’bjeri mbi ne
Ma mbështill shpirtin n’krahë t’bardhë
E falmë që s’të kam dasht gjithmonë
Ti varun m’ke mbajt për fije t’zemrës.
N’prehnin tand m’ke pranue!
Mu…mëkatarin.

T’jam falë Zot!

Veshit shurdht’ ja ofshâna dó dvētje
Si ja del me rrejt’ njerzínë kur t’dvesin për mu?
Si ja del me i fshi gjurmt’ e synit tem n’kundërmim t’shtatit tand?
Si ja del me i copëtu drómcat e dashnis’ vdekun
n’gjoks
M’thuj n’mos ja dalsh, se dromca dashnie mbushun e kam trupin edhe un’ si tý
Të thâmuna tashmâ…

M’pýt si ja dal pa frym’marrjen e buzve
n’kurriz t’agut dits’
M’pyt si zemnës ja pastrova dromcat n’tel t nxeht’
M’pýt edhe a t’kam msheh’ tuneleve t ‘errta t’harresës
N’errësin’ si vorr pa Zot

Ç’dreq mallkimi isht’ ky qi ra mì ne
N’çfarë skicash t’mbrapshta u ndërtu kjo bot’
Përgjigjê nuk kam…
Di me t’thanë veç se nesër kur dìlli t’ketë lý varrat e shpirtnave t’vdekshëm
Bash’ n’rrugën ku t’pashë për t’paren herë
S’di a ka me t’fol, s’di a ke me m’fol

Dromcat e vdekuna t’dashnis kanë me u s’provu n’gjallnim
E kanë me dhan shpirt fill pa u nis
Se rastësia mâ nuk výn
N’filma t’djegun frymorsh pa frymë.

Nji zâ gj’mon për s’kthjellti
N’lahut’ t’parve
N’sut’ t’rrashts tonë
N’krye t’marrve

“Mos fol,, piskât heshtja
N’gjamë vujtnie
N’t’vetmin tel mbetun
Lahutë malcie

Mos b’zaj o qyqar
N’darsëm t’vdekunve
Ti tredhe dashni-qyqen
N’vraga t’tretunve

Ruaje unin tand për dit’ ma t’mira
Çohu e luj për s’gjalli
N’lahutë t’parvet çíle gjoksin
N’gur’ zalli

Ti s’ke lind për kët’ mot
Tel lahute i padredhun
Vadë uji kjo jet’ n’sy tandin
O dashni-tredhun…

*****

Nanë!
N’hak hy bota
Ti, vetē i madhi Zot
N’tokë shpërnda…
…në miliona Zota

Femën!
Jet’ mjalt i hidhun
N’ngatrresa t’penit jetës
Fund e krye, fill i lidhun

Grue!
N’mburojë t’tamlit tand,
Fryma e posht-këmishës
Kryq Krishti kryqëzue…
…n’derë t’kishës

Femën! Nanë! Grue!
Frymë shpirti n’gjak tretun
Perëndeshë e hyj mbi ne
N’cep t’oxhakut,
N’farë bulmeti
Dheu n’duer t’pâstra
Shtatë fmij nân sjetull
…n’jetë t’jetëve mbetun