Festa e karnavaleve i dha jetë fundjavës në Berat.
Protagonistë ishin fëmijët e kopshteve dhe shkollave të qytetit.
Nën maskat e personazheve më të dashura ata dhuruan një shfaqje të vërtetë që zgjati për disa orë në pedonalen e qytetit
Aktiviteti ishte pjesë e një kalendari të bashkisë për të gjallëruar jetën kulturore në qytetin muze të mbrojtur nga UNESCO
“Të gjitha festat lokale të bëhen pjesë e guidave turistike” u shpreh Afize Skëndo, nënkryetare e Bashkisë Berat.
Synimi është për ti dhënë larmi qytetit veçanërisht në fundjavë, ku dhe pse në stinën e dimrit nuk mungojnë vizitorët.