Historia e tmerrshme e artistit që kaloi vitet më të mira të jetës në burgun famëkeq

Regjimi diktatorial që u vendos nga Enver Hoxha në Shqipëri është cilësuar si një ndër regjimet më të ashpra diktatoriale në të gjithë botën.

Gjatë periudhës së sundimit të tij shumë persona të pafajshëm u vranë vetëm prej një fjalë, apo edhe prej sjelljes së tyre, e cila nuk cilësohet si e duhura prej drejtuesve të regjimit diktatorial.

Ndërsa akoma më e hidhur është historia e një artisti, i cili bëri 7 vite burg sepse pa në ëndërr Enver Hoxhën dhe e tregoi këtë gjë. Emri i këtij artisti është Luan Maluka. Ai është me origjinë Kolonja.

Artisti famëkeq do të arrestohej në Laç të Kurbinit dhe do të dënohej me shtatë vjet burg politik, pikërisht vetëm pse kishte parë në ëndërr Enver Hoxhën. Gazeta ‘’tema’’ shkruan se Luan Maluka ishte i një artist i lindur si aktor i talentuar i humorit, por dhe një akrobat i shkëlqyer, me një fizik të fortë që kishte marrë pjesë edhe në disa ndeshje boksi duke garuar me sukeses deri sa ai sport u mbyll në fillimin e viteve ’60-të.

Me një mimikë dhe plastikë të fytyrës si të një aktori të sprovuar komik të kinematografisë, xhestikulacione dhe ushtrime cirku si në planin e forcës ashtu dhe në ato të ekuilibrit, nga mesi i viteve ’60-të e në vijim, Luani do të zgjonte interesin e disa regjisorëve të estradave profesioniste, si Tirana, Shkodra, Elbasani që kërkonin ta bënin pjesë të trupave të tyre, pasi shihnin tek ai një aktor me prirje dhe formim të gjithanshëm, por burgosja ia hoqi këtë mundësi.

Ai vuajti 7 vite burgim në burgun e Spaçit prej një ëndrre. Luani tregoi se ai kishte parë shokun Enver në ëndërr sikur i dhimbtë dhëmballa shumë dhe ai nuk kishte mundësi ta ndihmonte, pasi pincat e hekurkthyesit nuk ishin shumë të mprehta.

Enver Hoxha (1908-1985) leader of Albania