Kitara e verdhë e Prince shitet për 225 mijë dollarë

Disa sende personale të këngëtarit Prince, i cili ka vdekur në vitin 2016 kanë dalë në ankand në New York, të premten.

Mes tyre është shitur edhe një kitare e verdhë për 225 mijë dollarë. Në mesin e gjërave të tjera, të cilat po ashtu janë shitur është një kostum i kaltërt, i cili është shitur për më shumë se 100 mijë dollarë. Këngëtari këtë kostum e pati veshur gjatë performancës së tij për natën e viti të ri në New York, në vitin 1999 së bashku me Lenny Kravitz.

Shitjet, të cilat kapin vlerën rreth 2 million dollarë siç raporton culturebox, kanë përfshirë edhe aksesorë të artistit. Pritet që këto sende të kushtojnë edhe më shumë në të ardhmen, siç ka qenë rasti me sendet e këngëtarit Michael Jackson, nëntë vite pas vdekjes së tij, apo 40 vite pas vdekjes se këngëtarit Elvis Presley.