Lezha përkujton Gjergj Kastrioti Skënderbeun

Gjergj Kastrioti Skënderbeu, heroi kombëtar i shqiptarëve u përkujtua në Lezhë në 552 vjetorin e ndarjes nga jeta, Aktiviteti bëri bashkë përfaqësuesit e politikës lokale, komuniteteve fetare dhe qytetarë. Në këtë përvjetor munguan përfaqësuesit e qeverisë dhe politikës qëndrore. Skënderbeu është figura më përbashkuese e shqiptarëve, ndaj poeti Agim Doçi, pati një mesazh për të gjithë atë që nuk e kanë vlersuar heroin tonë kombëtar. Kryebashkiaku i Lezhës, Pjerin Ndreu tha se figura e Gjergj Kastriotit e bën krenar gjithë popullin Shqiptar. Memoriali i Heroit Kombëtar i rikonstruktuar vetëm pak kohë më parë, mbetet një prej destinacioneve kryesore të vizitorëve në Lezhë.