“Matilda”, muzikal për fëmijë në Teatrin Kombëtar Eksperimental

Të gjithë vijmë në jetë për një arsye, por e rëndësishme është që secili nga ne është i veçantë dhe i rëndësishëm, si Matilda për shembull.

“Matilda”, muzikali për fëmijë vjen sërish nesër në Teatrin Kombëtar Eksperimental “Kujtim Spahivogli” për të gjithë fëmijët.

Kjo është historia e një vajze me aftësi të jashtëzakonshme dhe botë të madhe, e cila arrin të ndryshojë jetën e saj dhe të gjejë atë çfarë i mungon. Ajo ka një familje që nuk e kupton, shumë ndryshe nga vetja, dhe një drejtoreshë shkolle që mendon se edukimi bëhet vetëm me dhunë.

Perveç të gjithave Matilda arrin te gjejë mirëkuptimin, respektin dhe dashurinë te mesuesja e saj. Të dyja gjejnë tek njëra-tjetra atë çfarë gjithmonë kanë ëndërruar: një familje ku ka dashuri! Duhet një gjeni i vogël që të bëjë ndryshime të mëdha.