Mozaikët në Bazilikën e Linit, destinacioni që nuk duhet humbur
Pak ditë më parë u zbulua për vizitorët ambienti i Baptisterit, i cili shërben për pagëzimin e kandidatëve të bashkësisë kishtare ndërsa vet ministrja e kulturës, Mirela Kumbaro e ka konsideruar një destinacion që nuk duhet humbur. Sipas saj, muaji gusht është edhe muaji i mozaikëve, raporton agjencia telegrafike shqiptare.
Ministrja shkruan në Facebook,”Moos e humb. Sapo kemi zbuluar mozaikun e mrekullueshëm të Bazilikës së Linit në Pogradec. Është super!
Këtë vit turizmi kulturor ka marr më shumë përparësi pasi turistët e huaj nuk po vizitojnë më vetëm bregdetin por dhe sitet arkeologjike si një atraksion historik dhe kulturor.
Në qendër të tij ndodhet vaska e pagëzimit në formën e një luleje katërfletëshe dikur e veshur me pllaka mermeri. Në këtë ambient dominon motivi i pjergullës.
Për të gjithë vizitorët , ambienti i cili do të jetë i vizitueshëm është pastofori, ambient polifunksional i cili shërbente për ruajtjen e teksteve ungjillore dhe sendeve të shenjta të përdorimit liturgjik.
Gjatë zbulimit të mozaikëve së bashku me specialistët e IMK-së, Gon Islami, dhe arkeologen Froseda Angjellari, ishte i pranishëm dhe profesori i Historisë së Artit dhe Muzeve në Universitetin e San Franciskos, Nathan Dennis.
