Mungesë buxheti në shfaqjen “Butrinti 2000”, reduktohet numri i shfaqjeve

Nga data 8 – 14 korrik në parkun arkeologjik të Butrintit do të zhvillohet edicioni i 16 ndërkombëtar “Butrinti 2000”. Por mungesa e fondeve bëhet mungesë për ngjitjen në skenë të 5 shfaqjeve sic ishte parashikuar, duke reduktuar numrin e tyre në vetëm 4. Drejtori i festivalit thotë se buxheti i pakët ka sjellë më pak aktorë të huaj për festivalin.

Alfred Bualioti: 5 ditë para se ne të startojmë festivalin, vjen një informacion i Agjensisë Kombëtare të Turizmit që nuk keni subvencion. Pra, kjo mund të ndodhte 2-3 muaj përpara dhe ne do merrnim masa, por nuk mund të ndodhte një lloj pabesie apo absurditeti 5 ditë para se ne të startojmë.

Por cilat trupa do të interpetojnë? Bualioti sjell disa detaje.

Alfred Bualioti: Do shohim karaktere shqiptare, me kostume shqiptare, me muzikë shqiptare. Shfaqja e dytë është e ardhur nga Greqia, shfaqja e tretë është “Njeriu dhe Zjarri” që vjen nga Maqedonia. Do të shikojmë një shfaqje të bukur të TOB, është një dance teatër.

Butrinti 2000 që është në vitin e 16-të cilësohet si ballafaqim i kulturave dhe lirisë së krijimit artistik.

/Ora News