Në Shkodër nis hartimi i projektit për restaurimin e shtëpisë së Oso Kukës

Drejtoria Rajonale Kulturore Shkodër zhvilloi një takim pune me bashkinë Shkodër si dhe me përfaqësues të Muzeut Historik për hartimin e një projekti për restaurimin e shtëpisë së Oso Kukës, sot Muzeu Historik i qytetit.

Shtëpia e patriotit të famshëm shqiptar, Oso Kuka, qëndron si Muze Historik që prej vitit 1947. Në hyrje të portës së madhe nis udhëtimi nëpër histori, që praj neolitit, antikitetit, Luftës së Parë e të Dytë Botërore, deri në periudhën e komunizmit në Shqipëri.

Shtëpia përmban një kompleks muzeor që rrallëherë e gjen në ndonjë qytet tjetër, me objekte dhe ambiente të cilat tregojnë mënyrën e jetesës në veri të Shqipërisë. /ata/