Dikur filmat e Shqipërisë mrekullonin audiencën kineze. E sot, një producent i ri kinez, i mahnitur nga historitë që babai i tij i rrëfente për kinemanë shqiptare, gjeti sheshxhirime për filmin e tij të parë në bashkëpunim me aktorë shqiptarë.

“Balkan Blood”, e quajti ai filmin që aktualisht po shfaqet në të gjithë kinematë e Tiranës.

Koha YouTube Channel

“Është hera e parë që unë sjell një film kinez këtu në Shqipëri. Por, ashtu siç mund ta dini, ne kemi një histori të gjatë mes dy vendeve. Kur babai im ishte i ri, shihte shumë filma shqiptarë. Ata janë të emocionuar teksa më thanë: hej djalë çove një film kinez në Shqipëri”, është shprehur producenti, Cui Wenchao.

Filmi ka si personazh kryesor ekspertin kinez të arteve luftarake, Qiao Lin, që përballet me bandën e gangsterëve ballkanas. Pushteti që favorizon kriminelët është në qendër të subjektit të filmit, duke u përkthyer edhe si një atashim indirekt për realitetin ballkanik.

Filmi vjen nën regjinë e Shou Haos. Është xhiruar në disa destinacione në Shqipëri, si Petrelë, Durrës etj. dhe sjell në role aktorët Yu Chong, Klodian Hoxha, Emi Canaj, Kamber Mici etj. /Top Channel/