“Një udhëtim i shkurtër” i regjisorit Erenik Beqiri: Në filma s’kam mision propagandën për Shqipërinë

Filmi “Një udhëtim i shkurtër” i regjisorit Erenik Beqiri, triumfoi në edicionin e 80-të të Bienales së Venecias, duke fituar “Luanin e Artë”. Një tjetër konfirmim për talentin e të riut shqiptar, pas pjesëmarrjes në kompeticionet më të rëndësishme ndërkombëtare dhe vlerësimeve për talentin e tij. Në episodin e rradhës në ”Vendi im” nga Edlira Prendi, Beqiri për ”Tirana News” ka treguar më shumë për punën.

Teksa 2023 e ka cilësuar një vit të suksesshëm, ai ka treguar se ku e gjen edhe frymëzimin për punën, dhe tregon se nuk është shkëputur nga realiteti shqiptar. ”Procesi i mendimit për projektet vjen në mënyrë natyrale për Shqipërinë dhe ajo që është përshtatja më e mirë e realitetit në filma është të kapësh gjërat që deri diku janë edhe personale për ty, por edhe aktuale që kanë një lloj impakti edhe tek shoqëria shqiptare. Por edhe me idenë që mund të japin një lloj informacioni për audiencat e huaja”.

I pyetur nga Prendi se nëse kujdeset që në filma që paraqesë vlerat e larta të Shqipërisë, pasi në filma si ”Taken”, Shqipëria del si vend i mafias, ai tha se nuk ka si qëllim propagandën në filma, që por përmes personazheve, ai jep edhe anën humane të shqiptarëve.

Beqiri jeton në Paris, në rezidencën artistike dhe ka treguar më shumë për këtë. ”Ti aplikon me një projekt dhe unë kam aplikuar me projektin e një filmi të gjatë dhe e mira e rezidencës është që ti ke lirshmëri të merresh edhe me gjëra të tjera. E mira këtu është se ka shumë kinema, në çdo lagje ka kinema.