Përkujtohet Syrja Bej Vlora, nipi: Të rishkruhet historia, të nxjerrë në pah meritat

Kultura E Martë, 14 Shtator 2021 12:40

Veprimtar i çështjes kombëtare, ideator e ndihmës kryesor në Shpalljen e pavarësisë, Syrja Bej Vlora mori në 78 vjetorin e vdekjes nderet që iu mohuan për vite me radhë!

Pinjolli i familjes së njohur të Vlorajve u rivarros dhe nderua me një përmendore në fshatin Llakatund.

Jeta dhe drama e tij për historianin Beqir Meta është dramë e shqiptarëve, ndërsa theksoi se ende ka shumë për të bërë për të treguar të vertetën e veprimtarisë së tij

Beqir Meta: Është pinjolli i parë i nacionalizmit shqiptar në Shqipërinë e Jugut. Syrja Beu është një pionier i kapitalizmit shqiptar, i krijimit të fermave kapitaliste në Shqipëri. Kjo fermë ka qenë modeli i parë ku Shqipëria shihte trajtën e zhvillimit të saj si gjithë shtetet e Evropës.

Pinjolli i familjes, stërnip i Syrja Bej Vlorës, ishte iniciatori i rivarrimit të eshtrave të tij dhe ndërtimit të përmendores. Ervin Vlora, tha se historia duhet rishkruar për të nxjerrë në pah meritat e veçanta të personaliteteve të kohës.

Ervin Vlora: Dua t’ju falenderoj të gjithë ju pjesëmarrës, miqtë e mi, gazetarë, media për pjesëmarrjen në këtë ditë që për mua dhe për të gjithë ju që jeni këtu është një ditë e çmuar.

Ceremonia u mbajt një ditë para 106 vjetorit të ngritjes së flamurit të Pavarësisë në Vlorë, ku Syrja Bej Vlora ishte protagonist.

Syrja Bej Vlora, lindi në Sarajet e beut siç njiheshin pallatet e Vlorajve që edhe sot e kësaj dite janë një pikë takimi me historinë!