”Qytetar Nderi” i Durrësit, aktori legjendar Mirush Kabashi nderohet pas vdekjes

Aktori legjendar i teatrit dhe kinemasë shqiptare, Mirush Kabashi është nderuar me titullin “Qytetar Nderi” (pas vdekjes) nga Bashkia e Durrësit. Ceremonia e dhënies së titullit është organizuar sot në qytetin bregdetar në sallën e teatrit “Aleksandër Moisiu”. Aktori i mirënjohur i teatrit dhe kinemasë shqiptare, Mirush Kabashi ndërroi jetë më 5 dhjetor të 2023 në moshën 75-vjeçare. Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare ndërsa numërohen rreth 100 role në teatër dhe filma.