“Rizgjimi magjik”, udhëtim teatror në natyrë i fëmijëve

Fëmijët e talentuar të Qendrës Kombëtare të Kulturës për Fëmijë (National Cultural Children Center) do performojnë me talentin e tyre në spektaklin “Rizgjimi magjik” pranë sallës së Teatrit të Kukullave, në Tiranë.

Ky spektakël do të japë një mesazh sensibilizues për artdashësit, pasi tregon përkujdesin e brezit të ri për të mbrojtur dhe për t’u kujdesur për natyrën. “Rizgjimi magjik” është një përrallë ekologjike, protagoniste e së cilës është “Nëna Natyrë”, metaforë e një komuniteti të kujdesshëm kundrejt ambientit që na rrethon.

Një udhëtim teatror në natyrë ku flutura, lule, pemë… mundohen të hyjnë në një kopsht, i cili transformohet me kalimin e stinëve.

Një rrugëtim i shkurtër edukativ në botën e muzikës klasike dhe poezisë simboliste, për të gjithë fëmijët, prindërit, gjyshërit dhe mësuesit, ku gërshetohen muzika e Antonio Vivaldit dhe poezia e Asdrenit. Premiera ambientaliste “Rizgjimi magjik” do të shfaqjet për publikun pranë sallës së Teatrit të Kukullave më datë 11 maj, ora 18:00.