Shuhet Gjergj Xhuvani, figurat publike mesazhe ngushëlluese

Vdekja e tij e parakohshme e regjisorit Gjergj Xhuvani, ka prekur shumë njerëz, publik dhe jo publik, të cilët mesazhet e tyre ngushëlluese i kanë përcjellë përmes postimeve në rrejte sociale.

Pas Presidentit Ilir Meta, edhe moderatori Ardit Gjebrea shkruan se ndjen trishtim për humbjen e artistit të papërsëritshëm. ”Gjergj Xhuvani, mik që tek Artet studentë bashkë, admirim i mëpasshëm për suksesin dhe talentin, mëndjen dhe unicitetin e tij, iku. Është ajo ikja pa kthim që të trishton!  Paqe për ty, artist i papërsëritshëm si ty”.

Edhe stilisti i njohur Adi Asllani është prekur nga humbja e regjisorit, dhe përmes një postimi në Instagram, thotë se ai la një mungesë të madhe jo vetëm te familja dhe miqtë, por edhe te kinematografia shqiptare.