Tapeti i kuq në të zeza (FOTO)

Ndersa Golden Globe Awards mbrëmë shënoi 75 vjetorin e tij, tapeti i kuq u mbush me fustane dhe veshje me ngjyrë të zezë. Kjo ishte përtej modës, duke fshehur një kauzë solidariteti me çdo grua që ka përjetuar abuzim seksual, shkruan KultPlus.

Tapeti i kuq i Golden Globe zakonisht është një paradë e modës së ndritshme dhe të guximshme. Ndërsa ky vit i solli shumicën e yjeve në të zeza për të dhënë kështu një kundërpërgjigje ndaj ngacmimit dhe abuzimit seksual në Hollivud, kështu duke e shndërruar këtë ceremoni në një natë solidariteti me të gjitha viktimat.

Time’s Up është një projekt kundër ngacmimeve seksuale i themeluar në vitin 2018 kundër sjelljeve të Weinstein. Më parë këtë muaj, aktoret si Reese Witherspoon, Tracee Ellis Ross dhe Brie Larson filluan iniciativën #TimesUp, një plan veprimi, i cili promovon barazinë gjinore dhe racore në të gjitha industritë.

Disa nga yjet erdhën tërësisht në të zeza ndërsa të tjerët e thyen pak këtë ngjyrë. Shumë prej tyre gjithashtu vendosën në veshjet e tyre një shenjë të vogël në të cilën shkruhej “Time’s Up”.

Ja disa nga yjet e njohura të kësaj mbrëmje të cilët erdhën të veshur në të zeza. Disa nga ta janë: Meryl Streep, Angelina Jolie Kelly Clarkson, Natalie Portman, Helen Mirren, Mariah Carey, Emma Stone, Kendall Jenner, Eva Longoria, Justin Timberlake and Jessica Biel, Nicole Kidman e shumë të tjerë.