Tetori i librit, nisin takimet letrare mes autorëve dhe të rinjve

Tetori i librit nisi sot takimet me autorë dhe aktorë, në lexime dhe biseda mbi letërsinë, krijimtarinë dhe veprat e tyre më të fundit. Në Muzeun Historik Kombëtar nisën leximet dhe bisedat mbi letërsinë ku poeti, shkrimtari dhe publicisti Preç Zogaj lexoj romanin e tij më të ri “Anjeza nuk u zgjua” si dhe aktorja Gladiola Arizaj lexoj një tjetër vepër për nxënësit e gjimnazit “Petro Nini”. Në këtë takim mes librit dhe të rinjve mori pjesë dhe ministria e Kulturës Elva Margariti e cila u shpreh se, ” mes miqsh të vjetër e të rinj, të mbledhur bashkë prej një miku të përbashkët, librit, nisëm sot të enjtet e leximeve e bisedave mbi letërsinë”. “E nisëm me poetin, shkrimtarin e publicistin, Preç Zogaj dhe aktoren Gladiola Arizaj që nën moderimin e Alda Bardhylit e pyetjeve të nxënësve të gjimnazit “Petro Nini”, na zbuluan pak nga misteri i bukur të krijimit. Një takim mbresëlënës, që do të pasohet nga të tjerë”, tha Margariti