Tragjikomedia “Vetëvrasësi” për artdashësit në teatrin e Korçës

Tragjikomedia “Vetëvrasësi”, shkruar nga autori rus Nikolai Erdman vijon për publikun në mbrëmjet e datave 13 dhe 14 maj në teatrin Korçës “Andon Zako Çajupi”.

Me regji nga Sulejman Rushiti dhe kostumografi nga Bernarda Gjata, në këtë vepër interpretojnë aktorët Neritan Liçaj, Elia Zaharia, Zamira Kita, Olta Gixhari, Albano Prodani, Ligoraq Riza, Blerta Belliu, Klodjana Keco, Shkëlqim Jaupaj, Paola Kodra, Ilda Pepi, Mateus Lothar T. Frroku, Antonio Tole, raporton atsh.

Një i ri i papunë, Simon, beson se përgjigja ndaj problemeve të tij është të mësojë të luajë tuba. Megjithatë, plani i tij dështon dhe ai mendon vetëvrasje. Fqinji i tij, Aleksandër Petroviç, vendos të fitojë para nga mjerimi i Simon, duke shfrytëzuar vetëvrasjen e tij për disa ofertues. Këta ofertues kanë planifikuar të shfrytëzojnë vdekjen e Simonit në avancimin e çështjes së tyre individuale. Inteligjenca, e përfaqësuar nga Aristarku, është i pari që i afrohet atij.

Nga kjo pikë Simon e gjen veten, duke u manipuluar nga njerëz të ndryshëm që përfaqësojnë botën e biznesit, artet, punëtorët, etj. Gjatë rrjedhës së shfaqjes, secili personazh zbulon anën më të keqe të personalitetit të tyre, me efekt humorist.

“Vetëvrasësi” është një projekt përbashkët i Teatrit të Korçës dhe Teatrit Kombëtar në Tiranë. Para premierës edhe Teatri Kombëtar në Tiranë vlerësonte bashkëpunimin përmes një postimi në Facebook. ““Vetëvrasësi” nga Nikolai Erdman, bashkëproduksioni i parë mes Teatrit Kombëtar dhe Teatrit “Andon Zako Çajupi”, Korçë”, shkruan TK.

“Vetëvrasësi” është një shfaqje e vitit 1928 nga dramaturgu rus Nikolai Erdman. Sot ajo konsiderohet si një nga dramat më të mira, që ka dalë nga Rusia komuniste.