U hapën më në fund, rregullat për të shkuar në kinema

Ministria e Shëndetësisë njoftoi hapjen e kinemave, shoqëruar me një udhëzues të përkohshëm gjatë fazës së pandemisë. Disa nga rregullat e vendosura te udhëzuesi i masave higjieno-sanitare për Covid-19 janë:

– Asnjë klient me temperaturë mbi 37.3 gradë Celcius nuk mund të hyjë në kinema;
– Duhet të qëndrohet në distancë fizike, jo më pak se 1.5 metër;
– Të kryhen vetëm rezervime online dhe të kufizohet grumbullimet në zonën e pritjes për të ruajtur distancim fizik;
– Klientët dhe stafi duhet të mbajnë maskë gjatë gjithë kohës në ambientet e kinemasë;
– Të mos konsumohet ushqim dhe pije në ambientet dhe sallën e kinemasë.

Masa të tjera:

– Të favorizohet qarkullimi i ajrit të jashtëm sa më shumë që të jetë e mundur duke hapur dyer dhe dritare;
– Të kryhet higjienizimi i karrigeve, mbështetësve të krahësve të karrigeve, në raport me numrin dhe oraret e shfaqjeve;
– Të sigurohet higjiena maksimale në tualet dhe pajisja me të gjithë elementët bazë higjienik dhe të menaxohen në kohë mbetjet.