“Vallja e Tropojës” me promovim për t’u bërë pjesë e UNESCO-s

“Kcimi i Tropojës” është një nga thesaret më të çmuara të trashëgimisë kulturore e artistike shqiptare dhe duhet të promovohet edhe më tej, për t’u bërë pjesë e trashëgimisë kulturore botërore.

Presidenti i Republikës, Ilir Meta, ka takuar kryetarin e shoqatës “Kcimi i Tropojës”, Skënder Haklaj, me të cilin ndau bindjen për domosdoshmërinë e ruajtjes së kësaj pasurie folklorike të Malësisë së Gjakovës dhe bërjen e saj pjesë të UNESCO-s së bashku me pasuritë e tjera kulturore shqiptare.