10 hapa si të mësosh të kontrollosh xhelozinë

Do të doja të isha një individ më i mirë dhe t’ju thoja, që nuk jam aspak xheloze.

Që për mua njerëzit që nuk janë xheloz kanë privilegje. Janë qënie superiore, si ata që hanë dhe nuk shëndoshen ose si ata që nuk kanë qime. Ajo që mund të them, është që jam shëruar paksa nga xhelozia. Kam punuar, jam rritur dhe jam më e vetëdijshme dhe kam më shumë besim në vete. Nuk jam një nga ato që shohin telefonin, që vjedhin passwordin, që hyjnë në profilin tënd, apo që të ndjekin me makinë. Nuk bëj pyetsorë si prokurore dhe nuk di më jetën dhe vdekjen e çdo gruaje që bisedon me partnerin tim. Nuk mërzitem nëse nuk më përgjigjet në telefon duke imagjinuar skena me një vajzë më të re, me lëkurë dhe trup më të bukur, ose të njërës më buzët dhe ci*at e bëra.

Këto gjëra nuk më ndodhin më. Ose më mirë, nëse ndodhin unë i menaxhoj për mrekulli. E bëj duke kaluar dhjetë urdhëresat e antixhelozisë:

1. Xhelozia nuk ka të bëjë me dashurinë.

2. Xhelozia është simptomë e pasigurisë.

3. Xhelozia është një mënyrë e mirë që të çon drejt tradhtisë.

4. Xhelozia të shëmton.

5. Nëse e mendon, je fantastike, s’ka nevojë për pasiguri.

6. Nëse e mendon, ai nuk të jep arsye për të qenë xheloze.

7. Nuk është mirë të bëhesh bezdisëse për traumat e tua të kaluara.

8. Nëse e mendon mirë, je e lumtur dhe bën seks.

9. Nëse e mendon, është një djalë inteligjent, mos e trajto si defiçent.

10. Nëse e mendon, dhe ai mund të mendojë të njëjtat gjëra për ty.

Zakonisht pas urdhëresave, mikro krizat zhduken. Pastaj, nëse duhet të jemi detajist, ka lloje të ndryshme xhelozish. Nga ana tjetër xhelozia nuk është vetëm mungesë vetëbesimi, sepse ndonjëherë dhe me besim në vetë gjërat bëhen lëmsh.

Ok je bukuroshe, por bota është plot me bukuroshe, dhe me bukurosha, shumë më të mirë se sa ti dhe partneri yt, plot me njerëz që nuk janë natyralisht monogamë.

Pra, si i bëhet që partneri mos përplaset te këmbët e tjetrës ? E si mund të ja bëjmë kur sheh njërën që i pëlqen dhe e tërheq me shumë se ti ? Ose njërën që të jetë thjeshtë një risi e bukur apo një dëshirë për pak ajër të freksët ?

Një lesh të madh, mund të bësh, ja u them unë. Nuk mund të bësh asgjë, përpos shpresës që ai do të dojë më të gjitha pjesët e tij të rëndësishme anatomike ( tru dhe penis) dhe që do bëjë maksimumin për të mos të lënduar shumë.

Kështu që ekziston gjithmonë një mundësi e egër për të tradhtuar dhe një irracionalitet i papërcaktuar në xhelozi. Mund të ngushëllohemi duke menduar që dhe ai përballet me rrezikun e njëjtë dhe që në fund të ditës është bast për të dyja palët.

Por, xhelozia është një temë komplekse dhe e dashur për mua, mund të rrimë këtu me orë dhe nuk më duket e arsyeshme ta bëjmë tani. Jo për gjë po ju me zor lexoni dhe 3 minuta. Nejse, sot për sot mund të ju them: përsëritni urdhëresat dhe kini kujdes partnerin tuaj.