Izolimi në shtëpi është shumë i rëndësishëm, nëse jeni infektuar me Covid. Duke qenë të ndërgjegjshëm, ju ndihmoni veten dhe gjithë komunitetin përreth.
Sidoqoftë, ka disa rregulla që duhet të ndiqni gjatë izolimit në bazë të simptomave apo rastit tuaj.
– Nëse keni dalë pozitiv, por nuk keni pasur simptoma, mund ta ndaloni izolimin në shtëpi 10 ditë pas datës që keni bërë testin pozitiv.
Për ata me simptoma, CDC thotë se ju mund të jeni pranë të tjerëve kur:
– Kanë kaluar 10 ditë ose më shumë që kur simptomat u shfaqën për herë të parë.
– Keni kaluar 24 orë pa ethe, pa përdorimin e ilaçeve për uljen e temperaturës.
– Një numër i kufizuar i personave me sëmundje të rëndë, mund të prodhojë më shumë virus për replikim dhe në këto raste, mund të duhet një zgjatje e ditëve të izolimit deri në 20 ditë pas shfaqjes së simptomave. Sidoqoftë, ju duhet të merrni parasysh konsultimin me mjekë dhe ekspertë të kontrollit të infeksionit.
Një humbje e shijes dhe erës mund të mbetet për një javë apo dhe një muaj pas shërimit, por kjo nuk do të thotë që ju duhet të qëndroni të izoluar.
Sidoqoftë, nëse keni një sistem imunitar të dobësuar rëndë ose nuk e keni kaluar lehtësisht Covid-in, për shembull jeni shtruar në spital, keni patur nevojë për oksigjen etj, rregullat ndryshojnë:
– Mjeku mund t’ju rekomandojë të qëndroni në izolim për më shumë se 10 ditë pas shfaqjes së simptomave tuaja të para (ndoshta deri në 20 ditë).
– Personat të cilët janë me imunitet të dobët, mund t’u kërkohen teste për të përcaktuar se kur mund të jenë pranë të tjerëve. Flisni me mjekun tuaj për më shumë informacion.
Informacioni i mësipërm vjen nga CDC – Qendra për Kontrollin dhe Parandalimin e Sëmundjeve (CDC) – një institut amerikan i shëndetit publik, pjesë e Departamentit të Shëndetit dhe Shërbimeve Njerëzore.
Burimi: CNN