Dhjetë bestytnitë më të zakonshme… a duhet t’i besojnë shqiptarët ende?

Edhe pse bota ka përparuar shumë me zhvillimet teknologjike të jashtëzakonshme që janë bërë vitet e fundit, shumë njerëz ende besojnë në besëtytni të cilat u janë transmetuar  brez pas brezi.

Besëtytnitë padyshim që janë pjesë e çdo populli, dhe për to ende dëgjohet të flitet edhe tek shqiptarët.

Por, cilat janë 10 besëtytnitë që kryesisht shqiptarët ende i besojnë? Janw përzgjedhur 10 nga besëtytnitë që disa njerëz ende i besojnë:

1. Kur macja “pret’ rrugën

Nëse duke e kaluar rrugën, qoftë në këmbë apo me veturë, një mace ua ‘prenë’ rrugën, atëherë ju duhet ta ndryshoni drejtimin apo të ktheheni, pasi që kjo është një shenjë e fatkeqësisë. Në mesjetë, macet konsideroheshin kafshë të shtrigave, kështu për të mos pësuar ndonjë fatkeqësi, ato edhe vriteshin.

2. E marta “e ligë”

E marta është dita kur Zoti e krijoi të ligën, kështu, sipas më të vjetërve, nuk është mirë që të pastroheni natën e martë, të punoni punë dore apo punë të tjera.

3. Prerja e thonjve

Besëtytnia ndoshta më e çuditshme që ende besohet është për prerjen e thonjve të dorës dhe të këmbës përnjëherë. Sipas këtij besimi, nëse ju i prisni thonjtë e këmbës dhe të dorës përnjëherë, dikush do të vdesë në ditën tuaj të dasmës – apo do të ketë edhe dasmë edhe vdekje për një ditë.

4. Paratë

Besohet se nëse të kruhet dora e djathtë do të japësh para, por nëse të kruhet e majta, do të marrësh para.

5. Gëzimi

huhet se kur dy persona flasin përnjëherë fjalën e njëjtë rastësisht, do të gëzohen në një të ardhme të afërt.

6. Lemza

Ndoshta ende e dëgjoni thënjen “po të përmend dikush” kur keni lemzë, por kjo nuk është asgjë më shumë se një reagim i pavullnetshëm i muskulit të diafragmës që sjellë daljen e një sasie ajri dhe në të njëjtën kohë mbylljen e epiglotës (hapësirës së laringut).

7. Akrepat e orës

A thua me të vërtetë mendon dikush për ju, nëse kur shikoni orën akrepat e saj janë një mbi një? Por, tani në kohën e celularëve të mençur, disa besojnë në fatin e numrave të orës në celular, p.sh kur ora është 11:11, 15:15 etj.

8. Patkoi i kalit

Besohet se patkoi i kalit i vendosur në derën e hyrjes në shtëpi e mbron shtëpinë nga krijesat e liga dhe sjellë fat e pasuri. Por, sigurohuni që patkoi të jetë i vendosur në këtë mënyrë, pasi në anën tjetër pasuria do të ju ‘derdhet’ e tëra.

9. Hurma në kuletë

Ka shumë vite që besohet se të mbash një bërthamë të hurmës në kuletë, kuleta juaj nuk do të mbetet kurrë pa para. Por, a mund të fitosh para pa punuar?

10. Pasqyra e thyer

Thuhet se pasqyra e thyer ka fuqi që të sjellë gjëra të këqija në jetë, që nëse shikoheni në të, fati u “shtyhet” për shtatë vite. Sigurisht, ka edhe shumë besëtytni të tjera që i përkasin popullit tonë, por këto janë ato që i dëgjojmë ende.