Gjenden pas 400 vjetësh eshtrat e Servantesit

Shkencëtarët mjeko­ligjorë thonë se kanë gjetur varrin e gjigantit spanjoll të letërsisë, Miguel de Cervantes, gati 400 vjet pas vdekjes së tij. Ata besojnë se kanë gjetur eshtrat e Cervantes, gruas së tij dhe njerëzve të tjerë të regjistruar si të varrosur bashkë në Manastirin e Barefoot Trinitarians në Madrid. Ndarja dhe identifikimi i eshtrave të tij, të cilat janë të dëmtuara keq do të jetë i vështirë, thanë zbuluesit.

Autori i romanit të famshëm Don Kishoti u varros në vitin 1616 ndërsa Kisha u rindërtua më vonë. Eshtrat e Cervantes u zhvendosën në ndërtesën e re në fund të shekullit 17. Eshtrat e njeriut të njohur si “Princi spanjoll i Letrave” rezultonin të humbura për shekuj me radhë. “Fundi i tij ishte ai një njeriu të varfër. Një veteran lufte me plagët e tij të betejës“, tha Pedro Corral, kryetari i artit, sportit dhe turizmit në këshillin e qytetit të Madridit. Miguel de Cervantes ka lindur afër Madridit në vitin 1547. Ai u bë ushtar në vitin 1570 dhe u plagos rëndë në betejë para se të kapej peng nga turqit dhe të mbahej në burg për pesë vjet.

Cervantes është i njohur si babai i romanit modern për romanin e famshëm “Don Kishoti i La Mancha­s”, i cili u botua në dy pjesë në vitin 1605 dhe 1615.Cervantes u varros në manastir në kërkesën e tij, pasi mendohet se murgeshat paguan për lirimin e tij nga burgu. Por kockat e tij u humbën kur ndërtesa u zgjerua disa vjet më vonë.Autoritetet spanjolle thanë se koloi botëror, shkrimatri i dashur nga të gjithë Miguel de Cervantes tani do të rivarroset “me nderime të plota ‘në të njëjtin manastir pasi për të është ndërtuar një varr.