Gjendet një virus i ri te lakuriqët e natës, shumë i ngjashëm me koronavirusin

Një koronavirus në lidhje me atë që shkakton pandeminë globale është zbuluar në gjakun e pesë lakuriqëve të natës që jetojnë në Tajlandë. SARS-CoV-2, virusi që shkakton Covid-19, ndan 91.5 përqind të kodit të tij gjenetik me atë të virusit të sapo-identifikuar, të quajtur RacCS203. Virusi mendohet të mos jetë në gjendje të infektojë njerëzit pasi nuk mund të lidhet me receptorin ACE2 në qelizat njerëzore, porta e Covid-19 në trup. Sidoqoftë, antitrupat që qarkullojnë në gjakun e lakuriqëve të natës dhe pangolinave u zbuluan të jenë efektive në neutralizimin e virusit SARS-CoV-2. Studiuesit të udhëhequr nga Universiteti Chulalongkorn në Bangkok morën mostra nga lakuriqët e natës në një vend të shenjtë të botës së egër në Tajlandën Lindore. Ata kryen renditjen gjenomike të virusit të ri për të zbuluar se sa i lidhur ishte ngushtë me koronavirusët e tjerë, përfshirë SARS-CoV-2. Studimi zbuloi se varianti më i afërt i virusit të ri quhet RmYN02, një virus i cili është 93.6 përqind identik me SARS-CoV-2. Proteinat spike të dy viruseve janë gjenetikisht të ngjashme, por janë shumë të ndryshëm në formë, duke e bërë të pamundur që virusi i ri të lidhet me qelizat ACE2 njerëzore.

Më parë, viruse të ngjashëm ishin gjetur vetëm në Kinë dhe Japoni, por prania e këtij lloji në Tajlandë tregon se ka shumë më tepër sesa besohej më parë, që ka të ngjarë të përhapet në një distancë prej 3000 milje në Azinë Juglindore. Dje, Organizata Botërore e Shëndetësisë (OBSH) zbuloi se SARS-CoV-2 nuk ka dalë nga një laborator në qytetin kinez të Wuhan, ashtu siç dyshohej, por nuk kishin gjetur as prova se mund të ketë ardhur nga tregu i kafshëvenë Wuhan.