Gruaja me 2500 personalitete dëshmon para babait që e përdhunoi kur ishte fëmijë

Një grua me 2500 personalitete ka dëshmuar në gjyq përpara babait të saj sesi ai e përdhunoi kur ishte fëmijë.

Richard Haynes u shpall fajtor në mars për dhjetëra akuza, përfshirë sulme të pahijshme seksuale të kryera ndaj vajzës së tij Jennifer, në vitet 1970 dhe 1980.

Abuzimi seksual i 74-vjeçarit ndaj vajzës së tij bëri që Jennifer ti zhvilloheshin 2.500 personalitete të ndryshme.

Gjatë periudhës kur ndodhi abuzimi Haynes ishte 4 deri në 11 vjeç.

Si rezultat, ajo zhvilloi një çrregullim disociues të identitetit, që njihet si çrregullim i personalitetit të shumëfishtë.

Ky çrregullim bënte që 49-vjeçares ti vinin mijëra zëra dhe mendime të ndryshme në kokë.

Ndërsa po shikonte babain e saj në gjykatë, i cili buzëqeshi, ajo iu drejtua: “Llum”.

“Ai më dëgjonte kur i lutesha të ndalej, më shikonte kur qaja. Ai e pa dhimbjen dhe terrorin që po më shkaktonte,”-tha Jennifer. “Pa gjakun dhe dëmet fizike që më shkaktoi dhe ditën tjetër zgjodhi përsëriste gjithçka përsëri. Abuzimi i babait tim ishte përllogaritur dhe planifikuar.”

Haynes tregoi se babai i saj e bëri të ndjehej e pavlerë dhe çnjerëzore.

Abuzimi i tij e detyroi atë të zhvillonte personalitete të shumëfishta si mënyra e vetme për t’u përballur me atë që po i ndodhte, përfshirë edhe 4-vjeçaren Symphony që e përmendte shpesh gjatë gjyqit.

“Kur babai na vrau fizikisht, Symphony hoqi pjesën që ishte pothuajse e vdekur dhe e zëvendësoi me një ndryshim të ri për të vazhduar jetën,”-rrëfeu ajo.

Jashtë gjykatës, Haynes tha se Symphony (njëri prej personaliteteve të saj)  është ende në fazën e krizës, sepse nuk është vendosur ende drejtësia.

“Symphony do mbetet flutur për një kohë të gjatë. Mezi po pres që ai të futet në burg,”-shtoi gruaja.

Haynes përballet me probleme të shëndetit mendor dhe ka frikë nga banjat.

“Babai më hiqte syzet sa herë që donte të abuzonte me mua. Ai më mori sytë dhe i mbajti peng. Sa herë që nuk mund të shoh, frikësohem dhe më kujtohet e kaluara,”-tha 49-vjeçarja në gjykatë.

Haynes tha se kurrë nuk do ta kuptojë se si është një marrëdhënie normale baba-vajzë, ose të përjetojë gëzimin e të qenit fëmijë, dhe ndoshta do jetë gjithmonë e vetme.

“Babai më ka shkatërruar jetën time,”-tha ajo.

Ajo i zhvilloi personalitetet e saj për tu mbrojtur ndërsa ishte keqtrajtohej dhe i thërriste sipas kërkesës.

Richard Haynes u ekstradua nga Mbretëria e Bashkuar në shkurt 2017 për t’u përballur me akuzat për përdhunim.

Gruas iu dha mundësia të mbetej anonime gjatë procedurave gjyqësore por nëse ajo do e bënte këtë atëherë edhe babai i saj duhej të mbetej anonim. Kështu që bëri zgjedhjen e guximshme për të bërë publike historinë.

Ajo tha se dëshironte që babai i saj të shkonte në burg dhe të gjithë ta dinin se çfarë bëri.