Guri i Gjatë, monumenti natyror i veçantë në Mat

Guri i Gjatë ndodhet në afërsi të fshatit Urxall në Njësinë Administrative Derjan, të rrethit Mat. Pamja e këtij masivi shkëmbor është tejet e veçantë dhe për këtë arsye cilësohet si një monument natyror.
Ai ndodhet në një lartësi mbi 600 m mbi nivelin e detit dhe është një gurë ranor me formën e një mullari të stërzgjatur.
Ka një lartësi prej 20 m. Sipas ekspertëve të Agjencisë Kombëtare të Zonave të mbrojtura, ky Monument është formuar nga procesi i gërryerjes nga agjentët atmosferikë dhe mbart të gjitha vlerat shkencore (gjeologjike, gjeomorfologjike), didaktike, ekologjike dhe kulturore për të cilat ai ka marrë statusin Monument Natyre.