Mbreti i kokainës Eskobar dogji 2 mln dollarë për të ngrohur vajzën

 Shtëpi përrallash”, me një pishinë shumë të madhe, një kopsht zoologjik privat që kishte vlerën e miliona dollarëve pasi aty mbaheshin kafshë shumë të rralla dhe ekzotike, toka në Kolumbi ku jetonte Pablo Escobari me familjen e tij e cila kishte një hapësirë gjigante mund të dukej si vendi ideal për tu rritur.

Shtëpia ku jetonte familja e baronit Esobar, ishte shtëpia të cilën e ëndërronte çdo fëmijë.

Por për të voglin Sebastian Marrokuiun, ky ishte po ashtu vendi që mbillte frikë.

Frika më e madhe vinte pasi babai i tij Pablo Escobar, në atë kohë ishte njeriu më i kërkuar i drogës dhe ishte i angazhuar në një luftë të gjatë e të përgjakshme në mes të dy bandave rivale të trafikimit të kokainës në shtetin kolumbian.

Sebastian i cili tani është 38-vjeçar është rritur në një epokë kur babai i tij u rendit si njeriu i shtatë më i pasur në botë në revista Forbes me një pasuri të vlerësuar prej rreth 18 miliardë funta.

Sebastian i cili e ka ndryshuar emrin e tij nga Juan Pablo Escobar ka dhënë hollësi nga jeta e tij si fëmija i “mbretit të kokainës” në librin me titull “Pablo Esobar: Babai im”.

Ai ka treguar në të kaluarën se si babai i tij mbret i drogës njëherë kishte djegur më shumë se 1 milionë funta për të mbajtur ngrohtë vajzën e tij gjatë një nate të ftohtë arratie.

Pablo Escobar kishte ndezur zjarrin duke përdorur dollarët amerikan në një strofull malore derisa po ndiqej nga autoritetet, vetëm që bija e tij e cila vuante nga një sëmundje të mos kishte të ftohtë.

Sebastian ka treguar se ai ai ishte vetëm 9 vjeç kur e ka marr mësimin e parë për drogën nga babai i tij.

Pablo Esocobar i kishte treguar djalit të tij se si ai kishte përdorur çdo drogë ekzistuese përveç heroinës dhe e kishte këshilluar atë që të mos e bënte kurrë të njëjtën gjë dhe të mos i ndiqte asnjëherë hapat e të atit.  Në një intervistë për AFP, Sebastian ka treguar se ai ka vendosur të shkruajë autobiografinë e tij për të treguar historinë e rinisë nga perspektiva e tij.

“Unë kisha privilegjin të isha djali i Pablo Escobar. Për mua ai ishte babai më i mirë. Kam me mijëra letra që mi ka shkruar ku më këshillonte dhe më inkurajonte që të edukohesha dhe të arsimohesha, të isha një njeri i mirë dhe të qëndroja larg drogave”, ka thënë ai.

“Unë dhe mamaja ime e lusnim shumë herë që të braktiste jetën e tij të dhunës dhe krimeve mirëpo ai kishte ardhur në një pikë kur nuk kishte më kthim”, ka vazhduar Sebastian.

Siç rrëfen djali i tij, Pablo Escobar pavarësisht se ishte armiku më i madh i Shteteve të Bashkuara të Amerikës dhe Kolumbisë, ai ishte një hero për njerëzit e varfër në Medellin të cilët i ndihmonte vazhdimisht. I lindur më 1949 Pablo Emilio Escobar Gaviria ka filluar karrierën e tij kriminale në rrugët e Medellin të Kolumbisë si tinejxher duke shitur cigare të kontrabanduara dhe duke vjedhur makina.

Në vitin 1970 Escobar kaloi në biznesin e trafikimit të kokainës dhe ai u bë aq i suksesshëm saqë arriti të blente 15 aeroplanë dhe gjashtë helikopterë për të kontrabanduar drogë kryesisht në Shtetet e Bashkuara. Kur është qëlluar nga Policia komumbiane në dhjetor të vitit 1993 ai ishte njëri prej kriminelëve më të pasur në histori me një pasuri prej 30 miliardë dollarësh.