Nëna maskon të birin si skllav, shpërthejnë polemikat në rrjet

Ideja e keqe e një nëne për të ngjyrosur lëkurën e djalit të saj dhe duke e veshur atë si skllav për një mbrëmje të shkollës për festën e  Halloween, ka hapur plagë nga e kaluara e shëmtuar e Brazilit, shkruan ‘Dailymail’.

Sabrina Flor tani është duke kërkuar falje për zgjedhje e keqe të saj të maskimit të të birit, pasi hasi në reagim të ashpër. Ajo mbylli llogarinë e saj të Instagram pasi djali i saj u shfaq në ngjarjen e shkollës së tij private në qytetin e Natalit, që gjendet në pjesën verilindore të vendit të Amerikës Jugore.

Flor është kritikuar gjerësisht dhe akuzohet se është raciste pasi ka postuar fotografi të djalit të saj të veshur me zinxhirë, me trupin e tij të mbuluar me bojë ngjyrë kafe nga koka deri te këmbët.

Nëna bëri ‘humor të zi’ kur hodhi foto të djalit të saj si skllav në Instagram.

Zgjedhja e çuditshme e Florit për këtë  kostum përpara festës së 31 tetorit paraqiste djalin nëntëvjeçar me një rrip lëkure  të mbështjellë rreth qafës së tij ndërsa një zinxhir i gjatë plastik e kufizonte zonën e qafës në të dyja nyjet e tij, një referencë ndaj tregtisë së skllavit atlantik që solli afër 4 milionë skllevër nga Afrika në Brazil.

Kombi i Amerikës së Jugut ishte vendi i fundit në hemisferën perëndimore që ndaloi skllavërinë, në 1888.

Nxënësi, ndoshta i pavetëdijshëm për ‘zhurmën’ që do shkaktonte kostumi, nxori gjithashtu një sërë zinxhirësh plastikë të mbështjellë rreth kyçit të këmbës së djathtë.

Rrobat e tij të vetme ishin një copë e bardhë dhe një peshqir që e mbulonte atë nga zona e belit deri në gjunjë.

Krijimtaria e Florit ngjall kujtimet e epokës raciste të vendit duke aplikuar një substancë të veçantë për të krijuar shenja të mëdha në gjoksin e djalit si dhe në kurrizin e tij, duke krijuar idenë se djaloshi ishte rrahur nga një padron i skllevërve.

Të martën, një mesazh u shfaq në një llogari të Instagram lidhur me nënën e cila shprehte faljen e saj të sinqertë, ndërkohë që denonconte ngacmimin që kishte pësuar si pasojë e publikimit të fotove.

“Unë dëshiroj vetëm t’ju kërkoj falje! Kurrë nuk ka qenë qëllimi im për të ofenduar askënd, më vjen keq për gjithçka që ka ndodhur, “shkruante nëna.

‘Ndjehem shumë keq me mallkimet dhe kërcënimet e tmerrshme që po më dërgojnë. Kërkoj falje nga  të gjithë, nga fundi i zemrës sime! #Peace. ‘

Kolegio CEI, shkolla private, kritikon zgjedhjen e keqe të nënës dhe tha se  urren çdo praktikë që nxit skllavërinë.

“Për fat të keq, zgjedhja e kostumit për pjesëmarrjen e Halloween, e bërë nga familja e nxënësit, preku një plagë historike të vendit tonë”, tha shkolla private në një deklaratë.