Peshkimi në një nivel tjetër, burri filmohet duke zënë peshq i varur në një dron

Një burrë në Australi është filmuar duke peshkuar pezull në ajër ndërkohë që mbahej nga një dron.

Duket si diçka interesante por, Autoriteti i Sigurisë së Aviacionit Civil në Australi ka nisur që të hetojë.

CASA ka nisur një investigim pasi videoja që tregonte peshkatarin mbi rezervuar u shpërnda në rrjet më herët gjatë këtij muaji.

Burri në video është identifikuar si Sam Foreman, dhe duket teksa lëviz sipër ujit me grepin e peshkimit në dorë ndërsa mjeti fluturues kontrollohej nga persona të tjerë.

Më tej duket sikur Sam arrin të kapë një peshk, por nuk dihet nëse kjo ishte e inskenuar apo ndodhi në të vërtetë.

Sidoqoftë, zëdhënësi i Autoriteti të Sigurisë së Aviacionit Civil, Peter Gibson ka paralajmëruar që njerëzit të mos e përdorin këtë metodë pasi nuk është e sigurt.