Shfaqet Hëna e përgjakur…Toka “shpëton” sërish

Eklipsi i rrallë i hënës, i quajtur ndryshe si “Superhëna” u shfaq natën e kaluar dhe u pa nga miliona njerëz në botë.

Hëna është shfaqur e plotë dhe me ngjyrë të kuqe në disa nga qytetet më të bukura të botës. Marseja, Parisi, Buenos Aires, apo Kajrokanë dhuruan pamje vërtet admiruese për të apasionuarit e yjeve dhe jo vetëm.

Eklipsi është shfaqur në Amerikën Veriore dhe Jugore, në Afrikën perëndimore dhe në Europë. Specialistët thanë se në ndryshim nga eklipsi i Diellit ai i Hënës mund të shihej me sy të lirë pasi nuk shfaq rrezikshmëri për shikimin dhe nuk nevojiten pajisje mbrojtëse. Eklipsi u shfaq edhe në vendin tonë në orët e para të mëngjesit.

Ky fenomen ndodh kur hëna është në pjesën më të afërt të orbitës së saj me Tokën, çka do të thotë se shfaqet rreth 8%  më e madhe dhe më e shndritshme në qiell.

Gjatë eklipsit Dielli, Toka dhe Hëna janë në një linjë të drejtë. Hëna shfaqet e skuqur përgjatë eklipsit total, duke u quajtur ndryshe si “Hëna e përgjakur”.

Ky fenomen është parë për herë të fundit në 1982 dhe do të na duhet të presim deri në vitin 2033 për ta parë sërish.

Megjithatë, edhe pse u shfaq “Hëna e Përgjakur”, Toka nuk u përmbys.

Studiuesit e Apokalipsit e lidhnin në këtë fenomen natyror me përmbysjen e botës, çka rezultoi sot se  teoria e tyre u rrëzua sërish.