Si të sillemi gjatë festës së Kurban Bajramit

Një ditë më parë, Instituti Kombëtar i Shëndetësisë Publike të Kosovës ka shpërndarë disa këshilla për qytetarët se si duhet të sillemi gjatë festës së Kurban Bajramit.

IKSHPK ka këshilluar qytetarët që në vend se të bëni një udhëtim, qëndroni të lidhur me miqtë dhe familjarët tuaj përmes thirrjeve në video grupore.

“Ju gjithashtu mund të bëni aktivitete tjera në internet, bëni turne në muze virtual ose vizita në internet nëpër parqe dhe atraksione”, thuhet në rekomandimet e institut.

Këshillat kryesore shëndetësore që IKSHPK-ja u rekomandon qytetarëve t’i zbatojnë gjatë Bajramit janë: mbani distancën, lani duart, mbuloni kollën tuaj dhe teshtimën me bërryl.

“Nëse ndjeheni të sëmurë (kollë e thatë, ethe, gulçim) ju lutemi qëndroni në shtëpi sa më shumë që të jetë e mundur dhe vendosni një maskë nëse duhet të dilni jashtë”, shkuhet në udhëzimet e IKSHPK-së.