Studentja e juridikut u shpall luftë meshkujve që hapin shumë këmbët

Ndoshta në vrullin e lajmeve nga Shqipëria mund të mos merreni shumë me hallet e botës. Megjithatë ka një shqetësim në rritje në botë, sidomos nga lëvizjet feministe, për atë që njihet si ‘manspreading’.

Bëhet fjalë për meshkujt që i hapin shumë këmbët kur janë të ulur diku, nuk ka rëndësi lokal, metro apo shkollë.

Për shumëkënd, ky veprim është jo vetëm fyes, por edhe sfidon hapësirën publike.

E zemëruar nga kjo situatë, një studente ruse e juridikut ka vendosur të nisë kryqëzatën e saj.

Anna Dovgalyuk, 20 vjeç, ka nisur që të sulmojë meshkujt që hapin këmbët nëpër metro. Ajo u hedh atyre ujë me zbardhues në mes të këmbëve.

Sipas saj, Rusia nuk po bën shumë për të luftuar këtë problem, të cilin e quan ‘agresion gjinor’.

Ajo thotë se zbardhuesi që u ka hedhur meshkujve në mes të këmbëve është shumë i fuqishëm, por shërben për të identifikuar atë zonë që po kthehet në problem.

Ndaj edhe ju meshkuj, kontrolloni pjesët e trupit.

Ndoshta do ishte mirë që studentja t’ia niste nga lideri i vendit të saj.