Tërbohet keq rinoceronti, merr përpara me brirë makinën e kujdestares së kopshtit zoologjik

Ky është momenti i tmerrshëm kur një rinoceront i zemëruar ka sulmuar një kujdestare kafshësh, e cila ndodhej në brenda automjetit të saj në një kopsht zoologjik.

Incidenti i rëndë ndodhi në Parkun Serengeti në Hodenhagen të Gjermanisë Veriore.

Siç shihet dhe në vide, rinoceronti 30-vjeçar i quajtur Kusini merr përpara makinën me brirë duke bërë që mjeti të rrokulliset disa herë.

Anëtarja e stafit të parkut  mbeti e bllokuar brenda makinës gjatë gjithë incidentit, i cili u filmua nga një vizitor në park.

Ndonëse mjeti i saj u rrokullis disa herë, kujdestarja e kafshëve nuk pësoi dëmtime serioze, përveç disa mavijosjeve.

Automjeti pësoi dëmtime të shumta, ku xhamat u thyen plotësisht dhe pjesa e sipërme dhe bagazhi pësuan dëme të pariparueshme.

Menaxheri i Parkut, Fabrizio Sepe tha se ishte e paqartë se çfarë e shkaktoi tërbërimin e kafshës.

Ai shtoi se kafsha kishte jetuar vetëm në park për 18 muaj dhe akoma s’ishte përshtatur me rrethanat e tij.

Sepe gjithashtu sqaroi se Kusini lejohej të ecte përgjatë parkut çdo mëngjes dhe mbrëmje, pasi vizitorët largoheshin, dhe se ai nuk ka paraqitur ndonjë rrezik për publikun.