TikTok është aplikacioni “fenomen” i momentit! Tejkalon Instagram dhe Facebook për numër shkarkimesh

Sipas të dhënave nga faqja e analitikës, Sensor Tower, TikTok ka arritur 1.5 miliardë shkarkime totale në App Store dhe Google Play. Aplikacioni arriti 1 miliardë shkarkime në shkurt të këtij viti, dhe ka shënuar shumë shkarkime deri tani në këtë vit – 614 milion – që është 6% më shumë se vitin e kaluar.

Pjesa më e madhe e rritjes së TikTok është nxitur nga një shpërthim i përdoruesve në Indi, të cilët përbëjnë 31% të shkarkimeve të aplikacionit. Tregu i dytë më i madh është Kina e cila përbën 11.5% të shkarkimeve, pastaj SH.B.A. me 8.2%.

TikTok është duke u bërë një kërcënim në rritje për Facebook, veçanërisht duke pasur parasysh popullaritetin e tij me Gjeneratën Z e të rinjve. Tower raporton se TikTok ishte aplikacioni i tretë më i shkarkuar pas WhatsApp dhe Messenger, por është përpara në renditje me Facebook dhe Instagram.

Në thelb, TikTok është aplikacioni i vetëm nga pesë të parët që nuk është në pronësi të Facebook.

Konkurrenti kryesor i TikTok nga lista e aplikacioneve në Facebook është Instagram, të cilin TikTok e tejkaloi me afro 238 milion shkarkime deri më tani këtë vit.

Është e rëndësishme të nënvizohet që numri i shkarkimeve nuk do të thotë që TikTok është më i madh se Instagram, megjithëse është ndoshta afër. Instagram kishte një miliard përdorues aktivë mujorë në 2018, duke sugjeruar se numri tani është më i lartë. TikTok goditi të njëjtin moment historik në qershor 2019. Kështu që Instagram është me siguri përpara, por me një diferencë shumë të ngushtë.