Zbulohet pas një shekulli e dashura sekrete e Leninit

Është rigjetur pas thuajse një shekulli fotografia e të dashurës së “Babait të komunizmit” Leninit.

Apollinariya Yakubova mendohet se ka qenë dashuria e vërtetë e liderit rus.

Fotografia e saj kishte humbur prej thuajse 100 vjetësh por është rigjetur sërish nga studiuesit.

Të gjithë e dinin për dashurinë sekrete të Leninit por pamja e saj ka qenë gjithmonë mister.

Në letrat e gjetura të Leninit ai i referohej asaj me emrin “Liroshka”, një formë përkëdhelie në rusisht për njeriun e zemrës.

Fama e saj ishte shtrirë në gjithë Rusinë, madje dhe e shoqja e Leninit e pranonte se “Liroshka” ka qenë dashuria e vërtetë.

Por megjithëse ka kaluar plot një shekull interesi për zbulimin e pamjes së saj ka qenë tepër i madh.

Fotografia është zbuluar nga Robert Henderson, një njohës i mirë i historisë ruse që e gjeti foton në arkivat ruse.

Apollinariya përshkruhet nga bashkëkohësit si një femër me vullnet të çeliktë dhe që s’kishte frikë nga asgjë.

Ajo madje thuhet se e refuzoi propozimin për martesë të Leninit, një plagë që liderit historik rus nuk iu mbyll kurrë.