Zgjohet nga koma pas një viti prej aromës së … parave

Ndodhej në koma prej një viti dhe është rizgjuar papritur.

Kjo ka ndodhur kur infermierët i kaluan nën hundë para. Ka mjaftuar të ndjejë “aromën” e 100 yuanëve të cilët vlejnë rreth 16 dollarë, që Xiao Li, nga Shenzhen, në Kinë, të kthehej pas nga “gjumi” i tij në shtratin e spitalit ku ndodhej i shtruar.

Lajmi, i publikuar nga “Central European News”, përshkruan kënaqësinë e personelit mjekësor para “ringjalljes” së pacientit.

“Ishte e jashtëzakonshme, – ka thënë një nga mjekët, Liu Tang. – Nuk kisha parë asnjëherë një gjë të tillë në 20 vjet profesion”.

Li kishte rënë në koma nga gushti 2013 pas një jave të kaluar pa fjetur në një internet-kafe, ku po punonte për të zbuluar ide për biznesin.

Për muaj, mjekët u përpoqën ta zgjojnë, por ishte e kotë, derisa familjarët e tij treguan atë që ai donte më shumë se çdo gjë tjetër në botë.