103 ditë protestë, protestuesi: Vij nga Athina, Rama i ka bërë të gjithë të zezat këtij kombi

Protesta e 103-të vijon me pjesëmarrjen e qytetarëve nga Shqipëria dhe diaspora. Mes protestuesve është edhe një qytetar që deklaron se ka ardhur nga Athina për t’iu bashkuar tubimit.

Në fjalën e tij, ai u shpreh se do të qëndrojë në protestë deri në largimin e kryeministrit Edi Rama, ndërsa bëri thirrje për një pjesëmarrje sa më të madhe qytetare. “Vij nga Athina dhe do të jem këtu derisa ky qelbësirë i këtij kombi të largohet”, deklaroi ai, duke përdorur gjuhë të ashpër ndaj kryeministrit.

Protestuesi tha gjithashtu se edhe shqiptarët që jetojnë në Greqi e kanë ndjekur me vëmendje vijimësinë e protestave në Shqipëri. Sipas tij, protesta të fuqishme janë zhvilluar edhe në Greqi, por një qëndrueshmëri e tillë nuk është parë më parë.

“Rama i ka bërë të gjitha të zezat këtij kombi”, u shpreh qytetari, duke bërë thirrje edhe për banorët e Tepelenës që t’i bashkohen protestës. “E kam këtë thirrje sepse jam me origjinë nga ajo zonë. Të rrëzojmë Ramën”, përfundoi ai.