145 km në orë në tunel, ja sa vite burg mund të dënohet shqiptari në Zvicër

Lajme E Diel, 23 Maj 2021 23:37

Në tunelin Sonnenberg ku lejohej shpejtësia maksimale prej 80 kilometrash në orë, një shtetas shqiptar i moshës 48 vjeçare ka zhvilluar me makinën e tij një shpejtësi prej 145 kilometrash në orë.

Për këtë tejkalim shpejtësie që ka ndodhur në vitin 2015, ai do të përgjigjet para Gjykatës së Krimeve në Lucern, shkruan albinfo.ch.

Prokuroria Publike e Lucernit e ka paditur atë duke iu referuar rrezikshmërisë që paraqet ngasja kaq e shpejtë sidomos në tunel. Personi në fjalë mund të dënohet me deri 15 muaj burg dhe me një gjobë prej 1500 frangash.