37 ditë protestë, qytetari: Janë të gjithë për t’u arrestuar! Korrupsioni s’ka të ndalur

Shënohen sot 37 ditë protestë kundër kryeministrit Rama. Ashtu si çdo ditë qytetarët janë mbledhur në orën 19:00 në sheshin Skënderbej, për të vijuar marshimin në bulevardin dëshmorët e Kombit drejt Kryeministrisë.

”Duhet ta rrëzojmë këtë qeveri. Korrupsioni nuk ka të ndaluar. Ne nuk kemi asgjë. Kjo qeveri ka bërë vetëm korrupsion. Pensionistët, i gënjen me 5 mijë lekë. Duhet ta rrëzojmë patjetër. Edi Rama duhet të dorëhiqet. Që të gjithë në PS janë për burg. Nuk janë për ne, por për xhepin e tyre”, tha një qytetar.

Qeveria ka përsëritur se është e gatshme të dëgjojë ato që i cilëson si kërkesa legjitime të protestuesve, por dënon përdorimin e simbolikës së arkivolit të shtunën para kryeministrisë. Sali Berisha nga ana tjetër refuzoi pretendimet se protesta është kapur nga demokratët.