5 mbetje ushqimesh që nuk duhet t’i hidhni në lavaman

Kushdo duhet të dijë nëse produkte të caktuara duhet apo nuk duhet të hidhen në lavaman. Disa lëndë është e domosdoshme që të hidhen në kosh dhe jo të lahen në lavaman ku uji i çon në tubacione. Nëse nuk keni dëshirë të harxhoni kohë me zhbllokuesit e lavamanëve apo të shpenzoni për shërbime hidraulike, kujtojini vetes cilat janë lëndët që bllokojnë tubat dhe ndosin ujërat.

Vaji i gatimit

Vajërat janë kontribuesit kryesorë të në bllokimin e tubave dhe bashkohen me mbeturina të tjera duke krijuar atë lëndën ngjitëse që vesh tubat. Këtu përfshihen edhe majoneza dhe salcat e sallatave.

Gjalpi dhe margarina

Veçanërisht kur janë të shkrira, gjalpi dhe margarina mund të ngrijnë dhe të rrisin vëllimin duke krijuar barriera rezistente.

Vaji i skuqjes dhe yndyrna të tjera

Si vajërat, yndyrnat e mbetura ose vaji nga skuqja e bacon-it apo llojeve të tjerë të mishit mund të ngrijë, duke bllokuar tubat dhe duke u kthyer në lëndë ngjitëse edhe për grimca të tjera që grumbullohen brenda tubave.

Lëvozhgat e vezëve

Lëvozhgat e vezëve janë të forta nga jashtë dhe membranat mund të mbështillen rreth tubave. Kur janë shumë të thërmuara, grimcat e vogla të lëvozhgave mund të krijojnë bllokime të tjera. Më mirë t’i hidhni në kosh.

Llumi i kafes

Duke qenë se nuk është plotësisht i tretshëm në ujë, kur pluhuri përziehet me vajin apo yndyrën që veshin aktualisht tubat, ke një ngatërresë të madhe. Pluhuri duhet të hidhet në kosh ose më mirë akoma te vazot e luleve.