70 objekte strategjike në shitje, ja lista e qeverisë

Ministria e Ekonomisë ka nxjerrë në dhjetor 2015 paketën e dytë të privatizimeve të objekteve shtetërore. Nga burimet zyrtare të Ministrisë së Ekonomisë mësohet se lista përbëhet nga 70 objekte të grupuara sipas rretheve, të cilat do të shiten me ankand si sektorë jo strategjikë.

Objektet janë kryesisht ish ndërtesa të kooperativave bujqësore dhe ish ndërmarrjeve shtetërore që tashme kanë falimentuar. Më shuma se sa vlera e objekteve, vlera e truallit paraqet interes në disa rrethe, kryesisht në Tiranë, Durrës dhe Elbasan.

Në këtë grupim objektesh që po shiten në ankandet e Agjencisë së Prokurimit publik, më i vlefshmi mësohet të jetë tregu i madh frutave perimeve në Tiranë dhe disa objekte të ish sharrës po në Tiranë.

Kjo është paketa e dytë e objekteve jo strategjike që Ministria e Ekonomisë hedh për privatizim.

Procedura e shitjes së tyre nis me institucionet qendrore dhe organet e njësive të qeverisjes vendore, te cilat dërgojnë kërkesën e tyre për privatizimin e ndërmarrjeve apo institucioneve që kanë në varësi administrative ose në pronësi, në ministrinë përgjegjëse për ekonominë.

Me pas ministri përgjegjës për ekonominë nxjerr urdhrin e miratimit për privatizim.

Sipas nevojave të procesit të vlerësimit të objektit, ministri përgjegjës për ekonominë urdhëron që në komisionin e vlerësimit të marrë pjesë edhe një ekspert kontabël apo ekspertë të tjerë të fushës përkatëse.

Vlerësimi i objekteve bëhet nga komisioni i vlerësimit, në përputhje me vlerën reale të tregut, duke përdorur metodat e vlerësimit të tregut, në zbatim të legjislacionit në fuqi. Komisioni i vlerësimit mban përgjegjësi për vlerësimin e kryer dhe për dokumentet e hartuara e të nënshkruara prej tij (genplane, situacione, aktvlerësime etj).

Detyrimet debitore dhe kreditore të ndërmarrjeve shtetërore që privatizohen mbyllen në çastin e ndryshimit të pronësisë. Drejtori i ndërmarrjes shtetërore mban përgjegjësi për rritjen e debi-kredive, nga data e shpalljes së ndryshimit të pronës shtetërore.

Drejtoria e Drejtimit të Pronës Publike, në Ministrinë e Financave, e pranon dosjen e vlerësimit për objektin që do të privatizohet, nëse për këtë objekt ka dokumentacion të rregullt, i cili u ka kaluar strukturave përkatëse, të përcaktuara në këtë vendim. Në rast të kundërt, Drejtoria e Drejtimit të Pronës Publike, në Ministrinë e Financave, kërkon plotësimin e dokumentacionit.

Për rastet kur konfirmohet se objekti ndodhet në truallin e subjekteve të shpronësuara, shitja bëhet pa ankand dhe subjektet e shpronësuara të truallit, në zbatim të ligjit nr. 9235, datë 29.7.2004, “Për kthimin dhe kompensimin e pronës”, të ndryshuar, kanë të drejtën e parablerjes së objektit me vlerën fillestare.

Në këtë rast, Drejtoria e Drejtimit të Pronës Publike, në Ministrinë e Financave, afishon një njoftim në mjediset e saj, për një afat njëzetditor, vetëm për pronarët e truallit, ndërsa dega e shoqërive publike afishon këtë njoftim në mjediset e veta dhe në objekt. Revista Monitor sjell listën: