Aksidentohet për vdekje me makinë polici, dyshohet vetëvrasje

Një 45- vjeçar nga Tirana humbi jetën në një aksident  të rëndë rrugor, gjatë ditës së djeshme. Mjeti me të cilin ai udhëtonte doli nga rruga dhe u përplas me barrierat ndarëse të autostradës. Aksidenti që solli vdekjen e policit ndodhi rreth drekës në Rrugën e Kombit, në afërsi të Rubikut. Viktime e këtij aksidenti të rëndë mbeti Gjon Tusha, i cili ishte edhe efektiv i Policisë së Shtetit. Pavarësisht përpjekjeve për ta transportuar në spital, ai nuk mundi dot të marrë ndihmën e shpejtë, pasi gjeti vdekjen e menjëhershme.  Nuk dihen akoma rrethanat e qarta të këtij aksidenti. Policia shkoi në vendngjarje dhe nisi hetimet, por nga të dhënat p;paraprake nuk përjashtohet mundësia që polici ta ketë kryer vetë aksidentin, në përpjekje për një vetëvrasje të mundshme, pasi viktimës i është  gjetur edhe një letër brenda automjetit të tij, ku shprehte nota dëshpërimi.