Aktori i njohur turk në lidhje me Almeda Abazi

Aktori, modeli dhe prezantuesi i njohur televiziv në Turqi, Tolgahan Sayisman, prej gati një viti është në një lidhje me ish-Missin shqiptar, Almeda Abazi. Tashmë, Tolgahan Sayisman e ka bërë publike marrëdhënien e tij me bukuroshen shqiptare pas një kohe të gjatë spekulimesh në mediat turke. Ata kalojnë mjaft kohë së bashku dhe përflitet se vetëm pak ditë më parë janë kthyer pas disa javësh pushime nga Los Angeles.
Sayisman ka filluar të merret me modeling në moshë të re dhe është shpallur fitues i konkursit të bukurisë për meshkuj “Manhunt International 2005” si dhe ka rrëmbyer titullin e “Modeli më i mirë në botë” në vitin 2004. Si aktor ai ka luajtur disa role në seriale të ndryshme në Turqi si Esir Kalpler, Macolar dhe Dicle.