Avio-kompania dhuron helikopter, për martesën e Bleonës me mjekun 64-vjeçar

Deklarata e mjekut matjan Dalip Gjoka për dashurinë që ka shpallur ndaj këngëtares Bleona Qereti po bën ende bujë.

Mjeku nuk lëkundet mbi propozimin për të pasur qoftë dhe një natë të vetme Bleonën si nuse të tij, pasi kjo e fundit nga Rusia refuzoi ofertën. Bleona e mori me qetësi ofertën dhe tha se mjeku ishte një ditë me vonesë, pasi kishte gjetur një tjetër gjatë 24 orëve të fundit, duke refuzuar ofertën.

Një ditë më parë propozoi që ajo të pozojë nudo në majën më të lartë të malit në Burrel, në malin e Dejes. Duket se propozimi i tij ka marrë përgjigje, jo nga këngëtarja, por një ndihmë për ta realizuar. “Shega Trans SHA” ofron transport me një nga helikopterët e kompanisë Shega Air që të realizojë ëndrrën e Dalip Gjokës.

“Pas deklaratës së mjekut Dalip Gjoka dhe duke marrë parasysh dëshirën e tij të madhe për t’u martuar me një nga këngëtaret më të bukura të skenës Shqiptare, Bleona Qerretin. Shega Air ofron kontributin e saj për realizimin e kësaj ëndrre, duke i ofruar mjekut nga Mati si dhuratë dasme, transportin me helikopter Agusta A109”.