Bankat tregtare rritën me 4,9% pagesën overdraft

Bankat tregtare në vend në fund të muajit Nëntorit 2014, rritën me 4.9% më shumë vlerën e shërbimit overdraft për individët, krahasur me të njëjtën periudhë të vitit 2013.

Sipas të dhënave nga Shoqata Shqiptare e Bankave, rritja e vlerës së overdrafteve në dispozicion të individëve është sinjal i përmirësimit të financimeve konsumatore në ekonomi.

Vlera totale e overdrafteve nga sistemi bankar shqiptar Janar-Nëntor 2014, ishte 8.5 miliardë lekë.

Overdrafti është një linjë e hapur kredie që mund të merret nga individët që kanë një histori të marrëdhënieve të punës prej të paktën gjashtë muaj me punëdhënësin aktual dhe ofrohet kryesisht në lekë.