Basha nga Vau i Dejës: Ramës i çon të rregullojë një makinë me motor të prishur, ai ta lyen me bojë
Lajme E Martë, 25 Maj 2021 17:39
Kryeopozitari tha se Edi Rama ka shkatërruar ekonominë shqiptare, dhe për këtë ai duhet të kërkojë falje e të hapë krahun.
“Ekonomia është katastrofë, Edi Rama nuk do ta kuptojë. Ai duhet të kërkojë falje dhe të hapë krahun, por jo nuk e bën këtë, ai vazhdon t’i kërkojë votën për 4 vitet e ardhshme shqiptarëve. E di si është puna e Ramës, ju i çoni një makinë për ta rregulluar se i është prishur motorri, ky ta lyen me bojë, e të thotë merre, pa e rregulluar fare.
Unë do ta ndreq motorin e ekonomisë shqiptare. Unë do të marr vendime të vështira por të rëndësishme për një vend me ekonomi të fortë. Vendimet e forta dhe të duhura për të cilat jam angazhuar, i kam marrë me pjesëtarët e Republikës së Re. Ishin vendime që më përkisnin mua. Unë nuk përdor taksat tuaja për luks të shfrenuar,” tha Basha.
